Maxachev Gerrini eng xavfli raqib deb hisoblamaydi

"Bu faoliyatimdagi eng katta sinov emas, — dedi Maxachev jurnalistlarga. — U shunchaki yaxshi jangchi. Uning mahorati yuqori, lekin hamma mening uslubimni biladi, ko'ramiz, u bunga qanchalik tayyor ekan. Bu yaxshi jang bo'ladi. Uning teykdaunlardan himoyasi yaxshi ekanini ko'rdim. Menda uni oson mag'lub etishning kalitlari bor".

Gerrining g'alaba qozonish imkoniyatlari uning stoykadagi (tik turgan holdagi) harakati, antropometriyasi va zarba berish texnikasi bilan bog'liq. Biroq chempion har qanday scenariyga tayyor, garchi kurash orqali g'alabaga erishish osonroq bo'lishini tushunib tursa ham.

"Albatta, men uni stoykada ham enga olaman. Volkanovski va Dastin Porega qarshi janglarimga qarang. Men istalgan odam bilan zarbalar almashishim mumkin, — dedi Maxachev. — Lekin zarbalar almashgan janglarim eng og'iri bo'lib chiqqan. Agar kurash ish bermasa, men istalgan raqib bilan zarbalar almasha olaman. Ammo agar oson g'alaba qozonishni istasam, ularni yiqitib, jangni muddatidan avval yakunlashim kerak".

SHuningdek, Maxachev Gerrining "uning oldingi raqiblari rossiyalik jangchining raqiblaridan kuchliroq bo'lgan" degan gaplariga etibor bermadi.

"U barcha janglarini bir xil o'tkazadi. SHunchaki chekinadi va ochkolar evaziga g'alaba qozonishga harakat qiladi. U oxirgi marta qachon muddatidan avval g'alaba qozonganini eslay olmayman, — deb takidladi Maxachev. — U kuchli raqiblarga shunchaki yutqazadi. Xuddi SHavkat Rahmonov bilan to'qnashganidagi kabi. Hammasi shu".