Mayami (WTA). Sobolenko bu yil 20 ta uchrashuvdan 19 tasida g'alaba qozondi

Belaruslik tennis malikasi uchinchi bosqichda WTA reytingida 72-pog'onada borayotgan amerikalik Keti Maknellini 6/4, 6/2 hisobida mag'lubiyatga uchratdi. Bu tennischilarning o'zaro o'tkazgan ilk uchrashuvi bo'ldi. 

Sakson olti daqiqa davom etgan bahsda ikkala tennischi 3 tadan eys zarbasini amalga oshirdi. Qo'shxatolar Maknellida 4 ga 2, breyklar Sobolenkoda 5 ga 2 ko'rinishida ko'proq bo'ldi. Belaruslik bu yilgi mavsumda o'tkazgan 20 ta uchrashuvidan 19 tasida g'alaba qozondi.