11 sen 09:40
Yangiliklar
Dzyudo, Engil atletika, Tokio-2020
Medallar jamg'arish bo'yicha 19ta medal bilan 8-o'rindamiz!
Braziliyaning Rio-de-Janeyro shahri mezbonlik qilayotgan Paralimpiya o'yinlarining uchinchi kuni o'zbekistonlik sportchilar uchun yana 8ta medalni taqdim etdi.
Ayni paytga kelib, O'zbekiston Paralimpiya terma jamoasi hisobida 4ta oltin, 4ta kumush, 11ta bronza, jami 19ta medal bor. Ushbu natijasi evaziga terma jamoamiz umumjamoa hisobida 8-o'rinni egallab turibdi. Bizdan avvalgi o'rinlarda borayotgan Germaniya va Gollandiya terma jamoalarida ham 4tadan oltin medal bor.
Yigirma oltita oltin, 24ta kumush, 19ta bronza, jami 69ta medal jamg'argan Xitoy terma jamoasi peshqadamlikni davom ettirmoqda. Ikkinchi pog'onadagi Buyuk Britaniya Paralimpiya terma jamoasi hisobida jami 35ta medal bor. SHulardan 15tasi oltin, 8tasi kumush, 12tasi bronza medalidir. Kuchli uchlikka Ukraina terma jamoasi 12ta oltin, 10ta kumush, 15ta bronza medali bilan yakun yasagan.
Havola :
Manba : olamsport.com
Fikrlar