Miami Open. Dunyoning birinchi raketkasi ham boshladi

Sayyoramizning birinchi raketkasi Iga Svyontek musobaqadagi ishtirokini engil g'alaba bilan boshlab oldi. To'g'ridan-to'g'ri ikkinchi davradan bahslarga qo'shilgan polshalik tennis malikasi italiyalik Kamila Jorjiga ikkitagina geym yutib olish imkonini berdi - 6:1, 6:1.

Oltmish sakkiz daqiqalik bahsda Svyontek ham, Jorji ham 2 tadan eys zarbasini amalga oshirgan. Kamila 9 ta qo'shxatoga yo'l qo'ydi. Endi Svyontek uchinchi bosqichda chexiyalik Linda Noskovaga qarshi kortga chiqadi. Musobaqaning amadagi chempioni chexiyalik Petra Kvitova hisoblanadi. U o'tgan yilgi finalda qozog'istonlik Elena Ribakinani taslim etgandi.