Miami Open. Dunyoning birinchi raketkasini mag'lub etishdi

Kutilmaganda dunyoning birinchi raketkasi Iga Svyontek musobaqadagi ishtirokini muddatidan avval yakunladi. Polshalik tennis malikasi to'rtinchi davrada WTA reytingida 16-pog'onada borayotgan rossiyalik Ekaterina Aleksandrovaga deyarli qarshilik ko'rsata olmadi - 4/6, 2/6. 

Katya tennischilarning o'zaro uchrashuvlarida ikkinchi g'alabasiga erishdi - 2:3. Sakson besh daqiqa davom etgan bahsda Aleksandrova 8, Svyontek 3 ta eys zarbasini amalga oshirgan. Qo'shxatolar rossiyalik tennis malikasida ko'proq bo'ldi - 4 ga 1. Iga bironta ham breykdan foydalana olmadi - 0:3. Endi Aleksandrova Miami Open 1/4 finalida amerikalik Jessika Pegulaga qarshi kortga chiqadi.