MMA jangchisi Murod Xonto'raev yana pichoqlandi

Ayni vaqtda sportchi Toshkent shahar 1-sonli klinik shifoxonasiga joylashtirilgan. Huquq-tartibot organlaridagi manbaning tasdiqlashicha, ushbu holat bo'yicha ichki ishlar organlari xodimlari tomonidan jinoyat ishi ochilgan, tergov harakatlari olib borilishi ustidan prokuratura nazorati o'rnatilgan.

Murod Xonto'raev 21 iyuniga o'tar kechasi Yunusoboddagi tungi klubda ro'y bergan mojaro ishtirokchisi bo'lgan, u ko'krak qismiga pichoq bilan berilgan zarbadan jarohat olgandi. Keyinroq shifoxonadan miliciyaga so'roq berish uchun olib ketilgan, sud hukmi bilan qamoqqa olingandi.

Sud uni Jinoyat kodeksining 277-moddasi 3-qismi «a» bandi («takroran yoki xavfli recidivist tomonidan bezorilik sodir etilishi») bo'yicha aybdor deb topgan («Osiyo ayig'i» laqabi bilan mashhur Murod Xonto'raev ilgari ham sudlangan).

Avvaliga unga 3 yillik qamoq jazosi xavf solayotgandi. 12 oktyabr kuni jinoyat ishlari bo'yicha Yakkasaroy tumani sudida Murod Xonto'raevga jarima tarzidagi jazoni qo'lladi. Sportchi eng kam ish haqining 94 baravari miqdorida jarima (16 190 560 so'm) to'lab, ozodlikka chiqdi.

Malumot uchun, Murod Xonto'raev 1987 yilda Toshkent shahrida tug'ilgan. U Toshkentdagi Plexanov nomli Rossiya iqtisodiyot universiteti filiali uchinchi kurs talabasi ham hisoblanadi. Oilali va ikki nafar farzandi ham bor.