Monte-Carlo Masters. Grigor Dimitrov ham boshladi

Ayni paytda musobaqada birinchi davra uchrashuvlari o'tkazilyapti. Dunyoning 9-raketkasi Grigor Dimitrov turnirdagi ishtirokini g'alaba bilan boshlab oldi. Bolgariyalik tennischi ATP reytingida 138-pog'onada borayotgan mezbon tennischi Valenten Vasheroni mag'lubiyatga uchratdi - 7/5, 6/2.

Bu tennischilarning o'zaro o'tkazgan ilk uchrashuvi edi. Davomiyligi 89 daqiqa bo'lgan bahsda Dimitrov 3 ta eys, 3 ta qo'shxato va 4 ta breyk qayd etdi. Uning Rolex Monte-Carlo Masters turniridagi navbatdagi raqibi serbiyalik Miomir Kechmanovich yoki italiyalik Matteo Berrettini bo'ladi.