Monte-Carlo Masters. Karlos Alkaraz gruntdagi 100-uchrashuvini o'tkazdi

Dunyoning uchinchi raketkasi Karlos Alkaraz ikkinchi davra bahsida reytingning 22-pog'onasidan joy olgan argentinalik Fransisko Serundoloni uch set natijasiga ko'ra mag'lubiyatga uchratdi - 3/6, 6/0, 6/1. 

Ispaniyalik tennischi o'zaro uchrashuvlarda ham oldinda bormoqda - 3:1. Bir soatu 39 daqiqa davom etgan bahsda Alkaraz 1, Serundolo 2 ta eys zarbasini amalga oshirgan. Breyklar bo'yicha ustunlik Karlos tomonida bo'ldi - 6 ga 2. 

Etiborlisi, Alkaraz grunt qoplamali turnirlardagi o'zining yubiley 100-uchrashuvini o'tkazdi va 82-g'alabasini tantana qildi. Uning keyingi raqibi saralash turniridan asosiy to'rga yo'llanma olgan germaniyalik Daniel Altmayer bo'ladi.