03 avg 18:38
Yangiliklar

Futbol

Mourinyu "Real" futbolchisini nishonga oldi

Madridning "Real" klubi himoyachisi David Alaba Ispaniyadan Turkiyaga yo'l olishi mumkin.

Avstriyalik tajribali futbolchining transferiga Istanbulning "Fenerbaxche" klubi qiziqish bildirmoqda. Turkiya top-klubi madridliklar bilan futbolchining transferi bo'yicha muzokaralar jarayoniga kirishdi. Alabaning transferiga shaxsan "kanareykalar" ustozi Joze Mourinyu qiziqish bildirmoqda.

Ammo, himoyachi hozirda Istanbulga ko'chib o'tish ishtiyoqida yonayotgani yo'q. Avstriyalik futbolchi keyingi mavsumni "qirollik klubi"da o'tkazmoqchi.

Futbolchining "Real" bilan mehnat shartnomasi kelasi yilning yarmigacha mo'ljallangan. 33 yoshli futbolchining narxi olti million evroga baholanmoqda.