30 apr 09:49
Yangiliklar

Tennis

Mutua Madrid Open. Raqibasiga bitta geym bergan Svyontek 1/4 finalda

Sayyoramizning birinchi raketkasi Iga Svyontek Madridda davom etayotgan WTA 1000 toifasiga kiruvchi nufuzli turnirning chorak final ishtirokchisiga aylandi.

Polshalik tennis malikasi to'rtinchi davrada WTA reytingining 55-pog'onasida borayotgan ispaniyalik Sara Sorribes-Tormoga bittagina geymni yutib olish imkoniyatini berdi, xolos - 6/1, 6/0. Tennischilarning o'zaro uchrashuvlaridagi hisob yanada yiriklashdi - 4:0.

Iga Svyontek 67 daqiqalik bahs davomida eys zarbasini ijro etmagan bo'lsa-da, 6 ta breykni amalga oshirishga muvaffaq bo'ldi. Endi u 1/4 finalda braziliyalik Beatris Xaddad-Mayyaga qarshi kortga chiqadi.