Mutua Madrid Open. Sobolenkoga 183-raketkani mag'lub etish uchun 150 daqiqa kerak bo'ldi

Sayyoramizning ikkinchi raketkasi Arina Sobolenko uchinchi davra uchrashuvida ancha qiyinchilikka duch keldi. Belaruslik tennis malikasiga WTA reytingida 183-pog'onada borayotgan amerikalik Robin Montgomerini mag'lub etishi uchun 2,5 soat vaqt kerak bo'ldi - 6/1, 6/7(5), 6/4.

Tennischilarning o'zaro uchrashuvlarida mutlaq ustunlik Arina tomonida - 4:0. Sobolenko 8, Montgomeri 6 ta eys zarbasini amalga oshirgan. Ikkala tennischi ham 4 tadan qo'shxatoga yo'l qo'ygan. Breyklar bo'yicha ustulik belaruslik tennischi tomonida - 4 ga 1. Endi u Mutua Madrid Open 1/8 finalida 15 ta uchrashuvdan beri mag'lubiyat nimaligini bilmay kelayotgan amerikalik Daniel Kollinzga qarshi kortga chiqadi.