Nadal ATP Yakuniy turnirini mag'lubiyat bilan boshladi

Dunyo reytingida kuchli sakkiztalikda borayotgan raketka ustalari ishtirokida o'tayotgan turnirning guruh bosqich ilk turidayoq kutilmagan natija qayd etildi. "Yashil guruh" vakili Rafael Nadal mag'lubiyat alamini totib ko'rdi. 

Dunyoning ikkinchi raketkasi bo'lib turgan ispaniyalik tennischi reytingning sakkizinchi pog'onasidan joy olgan amerikalik Teylor Fritcga 6/7(3), 1/6 hisobida imkoniyatni boy berib qo'ydi. Bu tennischilarning o'zaro to'rtinchi uchrashuvi edi - 2:2. 

To'qson to'qqiz daqiqa davom etgan bahsda Nadal 7, Fritc esa 8 ta eys zarbani ijro etdi. Qo'shxatolar Nadalda ko'proq bo'ldi 4 ga 1. Rafa bironta ham breykni amalga oshira olmadi.