Nadal va Ruud Mexikoda ko'rgazmali uchrashuv o'tkazishdi

Unda dunyoning ikkinchi raketkasi Rafael Nadal reytingda o'zidan bir pog'ona quyida borayotgan Kasper Ruudga qarshi kortga chiqdi. Ispaniyalik tennis yulduzi ushbu bahsda 7/6(7), 6/4 hisobida g'alaba qozondi.

Bu ularning Lotin Amerikasi turnesi doirasidagi so'nggi uchrashuvlari bo'ldi. Mexikoga qadar Nadal va Ruud Argentinaning Buenos-Ayres, Braziliyaning Belu-Orizonti, Ekvadorning Kito hamda Kolumbiyaning Bogota shaharlarida ham xuddi shunday ko'rgazmali uchrashuvlarda o'zaro to'qnash kelishgandi.