Namanganda Vatan himoyachilari kuniga bag'ishlab tennis musobaqasi o'tkazildi

Namangan viloyat tennis federaciyasi hamda Sport o'yinlari va engil atletikaga ixtisoslashtirilgan bolalar-o'smirlar sport maktabi hamkorligida tashkil etilgan ochiq birinchilikka «Do'stlik» tennis korti mezbonlik qildi.

Musobaqada Namangan, Andijon hamda Farg'ona viloyatlaridan jami 50 nafarga yaqin havaskor tennischilar ishtirok etdi. Murosasiz o'tgan bahslar yakuniga ko'ra umumjamoa hisobida faxrli 1-o'rinni Namangan viloyati jamoasi qo'lga kiritdi. 2-o'rin Andijon viloyati vakillariga nasib etgan bo'lsa, kuchli uchlikka Namangan tumani tennischilari yakun yasab berishdi.

Namangan viloyati ochiq birinchiligi yakunida g'olib va sovrindorlar Namangan viloyat tennis federaciyasi hamda xomiy tashkilotlar tomonidan munosib rag'batlantirildi.