Naomi Osaka Mayami turniridagi ishtirokini yakunladi

Yaponiyalik tennischi uchinchi davrada dunyoning 27-raketkasi bo'lib turgan franciyalik Karolin Garsiyaga 2/6, 6/7(5) hisobida imkoniyatni boy berib qo'ydi. Tennischilarning o'zaro uchrashuvlaridagi hisob muvozanati tiklandi - 2:2. 

Bir yuz etti daqiqa davom etgan bahsda Osaka 12, Garsiya 16 ta eys zarbasini amalga oshirgan. Qo'shxatolar Naomida ko'proq bo'ldi - 4 ga 2. Endi Garsiya to'rtinchi davrada amerikalik Kori Goffga qarshi kortga chiqadi.