Neyt Dias doping sabab bir yilga chetlatilishi mumkin

Diasning yakshanba kuni irlandiyalik jahon chempioni Konor MakGregorga qarshi bo'lib o'tgan jangdan so'ng taqiqlangan kannabidiol moddasini istemol qilgani aytilmoqda.

“Ushbu modda sportchining tiklanishi va og'riqni qoldirishi uchush yordam beradi. Boshqa hech narsa emas. Buning foydasini tushunish uchun sportchi bo'lish kerak”, - dedi Neyt.

Kannabidiol – Butunjahon antidoping tashkiloti (WADA) tomonidan taqiqlangan moddalar ro'yxatiga kiritilgan. SHu bois, NAC va USADA tashkilotlari Diasni chetlatishlari mumkin. Bunga ularda huquqiy asos bor. Diskvalifikaciya muddati bir yil bo'lishi kutilmoqda.

Eslatib o'tamiz, Neyt Dias revansh jangida Konorga ochkolar hisobiga ko'ra imkoniyatni boy bergandi. Hozircha xisob tenglashgan. Hal qiluvchi uchinchi jangning kelasi yili o'tkazilishi rejalashtirilmoqda.