24 avg 07:24
Yangiliklar

Boks/MMA

Nihoyat, Endi Ruis Joshuaga qarshi revansh jangi shartnomasiga imzo chekdi

Superog'ir vazn toifasida WBA, IBF va WBO yo'nalishlai chempioni Endi Ruis va uning jamoasi Entoni Joshuaga qarshi kechadigan revansh jangi shartnomasiga imzo chekishdi.

ESPN xabariga ko'ra, meksikalik jahon chempioni revansh jangining Saudiya Arabistonida o'tkazilishiga rozilik bergan. Bunga Joshuaning promouteri Eddi Xirnning Ruisga kafolatlangan gonorar summasini avvalgisidan ko'ra oshirgani sabab bo'lgani aytilmoqda.

Eslatib o'tamiz, Endi Ruis va Entoni Joshua o'rtasidagi revansh jangi avvaldan belgilanganidek, 7 dekabr kuni Saudiya Arabistoni poytaxti Ar-Riyod yaqinidagi Ad-Diriya shaharchasida aynan jang uchun maxsus qurilgan ochiq stadionda bo'lib o'tadi.