13 iyu 18:03
Yangiliklar

Tennis

Novak Jokovich bir nechta rekordni yangiladi

Dunyoning ikkinchi raketkasi Novak Jokovich Uimbldon turnirlaridagi 97-g'alabasini tantana qildi.

Serbiyalik tennis afsonasi musobaqaning 1/2 finalida italiyalik Lorenco Muzettidan ustun keldi - 6/4, 7/6(2), 6/4. Aynan Uimbldon - uning faoliyatidagi eng omadli turnirga aylandi.

Novak Jokovichning "Katta Dubulg'a" turnirlaridagi g'alabalari:

• Uimbldon (97 g'alaba);

• "Rolan Garros" (96 g'alaba);

• Australian Open (94 g'alaba);

• US Open (88 g'alaba).

Bundan tashqari, Jokovich "Katta Dubulg'a" turnirlari finalida o'ynash bo'yicha ham o'ziga xos rekord qayd etdi. U 16 mavsumdan beri muntazam ravishda hech bo'lmaganda bitta "Katta Dubulg'a" turnirlari finalida o'ynab kelmoqda. Bu ko'rsatkich bo'yicha u Rojer Federer va Rafael Nadalni ortda qoldirdi. Har ikkala afsona qatorasiga 15 mavsum "Katta Dubulg'a" turnirlari finalida o'ynagan.