Novak Jokovich "Rolan Garros"dagi yurishini boshladi

Serbiyalik tennischi ilk davrada ATP reytingida 142-pog'onada borayotgan franciyalik Per-Yug Erberni qiyinchilik bilan mag'lubiyatga uchratdi - 6/4, 7/6(3), 6/4. Bu tennischilarning o'zaro o'tkazgan ikkinchi uchrashuvi edi. O'tgan yili Parij "Masters" turnirida ham Jokovichning qo'li baland kelgandi.

Ikki soatu 33 daqiqa davom etgan bahsda Jokovich 4, Erber 7 ta eys zarbasini amalga oshirgan. Qo'shxatolar mezbon tennischida uch barobar ko'proq bo'ldi 6 ga 2. Breyklar bo'yicha ustunlik Novak tomonda - 3 ga 1! Endi amaldagi chempion ikkinchi bosqichda Roberto Karbales-Baenaga qarshi kortga chiqadi. Ispan tennischi birinchi davrada francuz Konstan Lestenndan ustun keldi - 6/3, 7/5, 4/6, 6/2.