Novak Jokovichni Rim "Masters"da mag'lub etishdi

Serbiyalik tennischi kutilmaganda Internazionali BNL d'Italia turnirining uchinchi davra uchrashuvida ATP reytingida 32-o'rinni egallab turgan chililik Alexandro Tabiloga yutqazib qo'ydi - 2/6, 3/6. Bu tennischilarning o'zaro o'tkazgan ilk uchrashuvi bo'ldi. 

Oltmish etti daqiqa davom etgan bahsda Jokovich 8, Tabilo 4 ta eys zarbani amalga oshirgan. Qo'shxatolar bo'yicha Novak mutlaq ustun - 5 ga 0! Jokovich bironta ham breykdan foydalana olmadi. Tabiloda bu ko'rsatkich 4 tani tashkil qildi.