11 noy 14:41
Yangiliklar

Tokio-2020

Nozimaxon Qayumova Tokio-2020 yo'llanmasini qo'lga kiritdi

Para atletika bo'yicha terma jamoamiz vakillarining Jahon chempionatidagi zafarli yurishi davom etmoqda.

2016 yilgi Paralimpiya o'yinlari g'olibasi Nozimaxon Qayumova bugungi dasturdan o'rin olgan nayza uloqtirish bahslarida yurtimiz sharafini munosib tarzda himoya qila oldi. Biroz avval yakuniga etgan bellashuvlarda Nozimaxon Qayumova bronza medalini qo'lga kiritdi va 2020 yilgi Paralimpiya o'yinlari yo'llanmasiga ega chiqdi.

Qayumovaning xalqaro musobaqalarda qayd etgan natijalari:

2016 yilgi Paralimpiya o'yinlari (nayza uloqtirish) – oltin medal sohibi

2017 yilgi Para atletika bo'yicha Jaxon chempionati (nayza uloqtirish) – kumush medal sohibi

2019 yilgi Para atletika bo'yicha Jaxon chempionati (nayza uloqtirish) – bronza medal sohibi