Nukusda belbog'li kurash bo'yicha O'zbekiston kubogi boshlandi

O'zbekiston Respublikasi Jismoniy tarbiya va sport vazirligi hamda O'zbekiston milliy belbog'li kurash federaciyasining yillik taqvim-rejasidagi ushbu mamlakat kubogi bahslarida Qoraqalpog'iston Respublikasi, Toshkent shahri va barcha viloyatlardan ikki yuz ellik nafarga yaqin sportchilar ishtirok etmoqda. 

Mazkur O'zbekiston kubogi musobaqasida o'g'il bolalar erkin va klassik yo'nalishlarda o'n bitta vazn toifasida, qizlar esa erkin yo'nalishda ettita vaznda kuch sinashishmoqda. 

SHuningdek, musobaqaning dastlabki kunida tantanali ochilish marosimi ham tashkil etildi. Marosimda sportchi jamoalarning ko'rgazmali chiqishlari yig'ilganlar ko'ngliga xushnudlik bag'ishladi. Bellashuvlar 28 oktyabrga qadar davom etadi.

Ilhom RAHMONOV, o'z muxbirimiz