Nukusda belbog'li kurash bo'yicha Prezident sovrini uchun jahon chempionati bo'lib o'tdi FOTOGALEREYA

Reglamentga ko'ra, kecha 29 may kuni belbog'li kurash bo'yicha jahon chempionati bellashuvlari bo'lib o'tdi. Mazkur dunyo birinchiligida yigirmadan ortiq davlatdan kelgan 300 nafarga yaqin polvonlar g'oliblik uchun kurash olib borishdi. 

Belbog'li kurashning erkin yo'nalishi bo'yicha o'tkazilgan jahon chempionatida o'g'il bolalar 10 ta, qizlar esa 7 ta vazn toifasida mahoratlarini namoyish etishdi.

G'olib va sovrindorlar:

O'g'il bolalar 

45 kg. Albert Abdukarov (Qirg'iz Respublikasi)  

50 kg. Bashimmuhhamad Haydarmuhammedov (Turkmaniston) 

55 kg. Ramziddin Abdulhamitov (O'zbekiston) 

60 kg. Esbolat SHerxan (Qozog'iston) 

65 kg. Muhammad Omad Aziziy (Afg'oniston) 

71 kg. SHerzodbek Eliboev (O'zbekiston) 

77 kg. Bayishbek Mamataliev (O'zbekiston) 

85 kg. Selim Annanazarov (Turkmaniston) 

95 kg. Elbek Zaynabiddinov (Qirg'iz Respublikasi) 

+95 kg. Tamirlan Nakxushev (Rossiya). 

Qizlar:

44 kg. Tumaris Kalabaeva (O'zbekiston) 

48 kg. Diana Kotlovskaya (Rossiya)

52 kg. Sarvinoz Rustamjonova (O'zbekiston)  

57kg. Gulzoda To'lqinova (O'zbekiston) 

63 kg. Varvara Omelina (Rossiya)

70 kg. Oysuluv Xidirboeva (O'zbekiston)  

+70 kg. Sofiya Anoshina (Rossiya). 

SHuningdek, jahon chempionati doirasida musobaqaning tantanali ochilish marosimi tashkil etildi. 

Marosimda Qoraqalpog'iston Respublikasi Juqorg'i Kengesi raisi Amanbay Orinbaev, O'zbekiston Respublika sport vaziri o'rinbosari SHahrullo Mahmudov, xalqaro belbog'li kurash federaciyasi prezidenti Xabir Xabibullin, Osiyo belbog'li kurash konfedraciyasi prezidenti Mo'min Muratov, O'zbekiston belbog'li kurash federaciyasi raisi Ravshan Dastirov va boshqalar ishtirok etdi. 

Bugun, 30 may kuni esa belbog'li kurash bo'yicha Osiyo chempionati bellashuvlari bo'lib o'tmoqda.

Ilhom RAHMONOV tayyorladi