Nurmagomedov SHabliyga qarshi jangiga Xabib va Islam bilan tayyorgarlik ko'rmoqda + FOTO

Usman Nurmagomedov - Aleksandr SHabliy jangi 7 sentyabr kuni AQSHning San-Diego shahrida bo'lib o'tadi. Usmanga Bellator turnirining markaziy jangiga tayyorgarlik ko'rishida Xabib Nurmagomedov va Islam Maxachevlar yordam berishyapti. Aslida SHabliy - Nurmagomedov jangi 17 may kuni Parij shahrida o'tkazilishi kerak edi. Ammo Usmanning jarohat olishi natijasida jang kechroq muddatga ko'chirilgandi. 

Usman Nurmagomedov so'nggi jangini Bellator 300 turnirida amerikalik Brent Primusga qarshi o'tkazib, raqibini mag'lub etgandi. Lekin rossiyalikning doping-tahlili ijobiy natija bergani bois, jang o'tkazilmagan deya topilgandi. SHabliy esa oxirgi jangini Bellator 301 turniri doirasida Patrik Freyraga qarshi o'tkazib, ochkolar hisobiga ko'ra g'alaba qozongan va chempionlik kamari uchun rasmiy davogarga aylangandi.