02 sen 19:39
Yangiliklar
Nurmagomedov vs Pore, 7 sentyabr: Tungi soat 01:00da boshlanadigan jangni qaysi kanal namoyish etadi
7 sentyabr kuni BAA poytaxti Abu-Dabi shahrida UFC 242 turniri o'tkaziladi. Oqshomning markaziy jangida engil vaznda UFC chempioni rossiyalik Xabib Nurmagomedov hamda tashkilotning vaqtinchalik chempioni Dastin Pore o'zaro to'qnash keladi.
Ushbu chempionlik jangi Toshkent vaqti bilan tungi soat 01:00da boshlanishi belgilangan. Turnirning o'zi soat 20:00da boshlanadi. Abu-Dabidagi UFC 242 turnirini Rossiyaning Birinchi kanali to'g'ridan-to'g'ri namoyish etadi.
Malumot uchun, 30 yoshli Nurmagomedov MMAda 27 ta, 30 yoshli Pore hisobida esa 25 ta g'alaba bor. Xabib ikkinchi bor chempionlik kamarini himoya qiladi. 2018 yilning oktyabrida u irlandiyalik Konor Makgregorni muddatidan avval mag'lub etgan edi.
Abu-Dabidagi qolgan janglar ro'yxati: SHamil Abdurahmonov (20-4) — Kertis Bleyds (11-2), Islam Maxachev (17-1) — Devi Ramos (10-2), Mairbek Taysumov (28-5) — Diego Ferreyra (15-2), Ottman Azaitar (11-0) — Timu Pakalenu (8-2), Muslim Salixov (14-2) — Nordin Taleb (15-6).
Fikrlar