Nurudinov “Dunyoning eng yaxshi atleti” bo'lishga bosh davogar!

Bu borada tashkilot rasmiy saytida so'rov o'tkazish jarayoni boshlandi. Yilning eng yaxshi erkak va ayol og'ir atletikachisini aniqlash maqsadida o'tkazilayotgan so'rovnoma 31 yanvar kuni yakunlanadi.

Quvonarlisi, nomzodlar orasida hamyurtimiz Ruslan Nurudinov g'oliblik uchun bosh davogar bo'lib turibdi. Ruslan Rio Olimpiadasining oltin medalini qo'lga kiritish barobarida Olimpiya o'yinlarining rekordini ham yangilagan edi.

“2016 yilning eng yaxshi erkak og'ir atletikachi” nominaciyasida Nurudinovga eronlik Kianush Rustami, gruziyalik Lasha Talaxadze, kolumbiyalik Oskar Alberto Moskera, xitoylik Kinkyan Long hamda qozog'istonlik Najot Rahimov raqiblik qiladi.