Nyu-Yorkda Povetkin va Uaylderning ishi yuzasidan sud jarayoni boshlandi

Bu ishni Nyu-York shtati Janubiy federal okrug sudi ko'rib chiqyapti. Sudda bir yo'la ikkita ish ko'rilmoqda. Uaylderning jamoasi Povetkinning promouterlaridan 4,5 million dollar talab qilyapti.

Uaylder Povetkinga qarshi o'tkazilmay qolgan jangidan taxminan shuncha gonorar olishi kerak edi. Rossiyalik bokschining qon tarkibida taqiqlangan modda aniqlangani bois, chempionlik jangi bekor bo'lgandi.

O'z o'rnida Povetkinning jamoasi ham Uaylderdan 34,5 million dollar talab qilyapti. Rossiyaliklar jangning bekor qilinishi, moddiy va manaviy zarar etkazilganini ro'kach qilishyapti.