OAV vakillari uchun O'zbekiston boks federaciyasining murojaati

Qayd etish lozimki, Osiyo chempionati qitamiz miqyosidagi eng nufuzli musobaqa hisoblanib, ushbu chempionatda erkaklar va ayollar terma jamoamiz vakillari  10 ta vazn toifasida ringga ko'tarilishadi.

Ushbu qita birinchiligi bokschilarimiz uchun navbatdagi nufuzli musobaqalarga, jumladan, 2019 yilning sentyabr oyida Rossiyaning Ekaterinburg shahrida bo'lib o'tadigan boks bo'yicha Jahon chempionatiga  munosib tayyorgarlik ko'rish, raqiblarni o'rganish va albatta Osiyoda o'zbek boksining etakchilardan biri ekanligini yana bir marotaba isbotlashga xizmat qiladi. 

Kuni kecha ushbu musobaqa yuzasidan internet saytlarida elon qilingan informacion xabarlar O'zbekiston boks federaciyasi matbuot xizmati yoki federaciya mutassadilari bilan kelishilmagan holda tarqatilganligi sababli, keng jamoatchilik o'rtasida turli hil bahs-munozaralarga sabab bo'ldi. 

Hurmatli hamkasblar! Kelgusida yuqorida qayd etilgan nufuzli musobaqalar oldidan rasmiy malumotlarni O'zbekiston boks federaciyasi matbuot xizmati bilan kelishgan holda tarqatilishi maqsadga muvofiq bo'lar edi. 

O'zbekiston boks federaciyasi yurtimizda sport sohasida olib borilayotgan ishlar, xususan vatanimiz sporti bayroqdori sanalmish boksni ommaga  keng yoritilishida qilayotgan keng ko'lamli mehnatingiz uchun o'z minnatdorchiligini bildiradi. SHu bilan birga, O'zbekiston boks federaciyasi eshiklari OAV xodimlari uchun doimo ochiq ekanligini malum qiladi.

O'zbekiston boks federaciyasi matbuot xizmati