11 noy 07:51
Yangiliklar

Og'ir atletika

Og'ir atletika. Jahon chempionatida 88 davlat orasida 8-o'rinni egalladik

1-10 noyabr kunlari Turkmaniston poytaxti Ashxobod shahrida og'ir atletika bo'yicha kattalar o'rtasidagi jahon chempionati bo'lib o'tdi.

Ushbu jahon chempionatida terma jamoamizning jami 12 nafar (8 nafar erkak, 4 nafar qiz) atletlari ishtirok etib, yakunda 1ta oltin, 1ta kumush va 3ta bronza medalini qo'lga kiritdi.

Jahon chempionatida jami 88ta davlatning 604 nafar (283 ayol, 321 erkak) sportchilari medallar uchun bahslarga kirishdi. Yakunda umumjamoa hisobida terma jamoamiz 88 davlat orasida 8-o'rinni egalladi. Hamyurtlarimizdan Akbar Jo'raev va Adhamjon Ergashev yoshlar o'rtasida dast ko'tarish va umumiy kurash bo'yicha yangi jahon rekordlarini o'rnatishdi.