Og'ir atletika. Jahon chempionimiz faoliyatini yakunladi

Hamyurtimiz Osiyo chempioni, o'tgan yilgi jahon chempionatining kumush va bronza medallari sohibi, Ashxobodda o'tgan Yopiq inshootlardagi Osiyo o'yinlari chempioni, 2010 yili Guanchjouda o'tgan Osiyo o'yinlarining kumush medal sovrindori ham hisoblanadi. 

Efremov o'tgan yili AQSHda bo'lib o'tgan jahon chempionatida -105kg vazn toifasida ishtirok etib, dast ko'tarish bahslarida ikkinchi natija (182 kg) bilan kumush medal sohibiga aylangandi. 

Siltab ko'tarish bahslarida esa Ivan beshinchi natijani (217 kg) qayd etgan va umumiy ko'rsatkichlarga ko'ra (399 kg) bronza medali bilan taqdirlangan edi. Efremov 2012 yilgi London Olimpiadasida 183 kg + 218 kg = 401 kg natija bilan beshinchi o'rinni egallagandi. 

Biz maqola sarlavhasida Efremovni jahon chempioni dedik. Lekin reglamentga ko'ra jahon chempionatlarida ikki kurash yakunlariga ko'ra faqat bitta jahon chempioni bo'ladi. Ammo, Ivanda jahon chempionatining kichik oltin medali bor va u biz uchun jahon chempioni. Bizdagi malumotlarga ko'ra, sportchimiz AQSHga jo'nab ketgan.