Og'ir atletika. Osiyo chempionatini oltin medal bilan boshladik

Dastlab musobaqaning tantanali ochilish marosimi bo'lib o'tdi. SHundan so'ng, qizlar o'rtasida -44 vazn toifasida final bahslari boshlab yuborildi. Quvonarlisi, qita chempionati terma jamoamiz uchun omadli boshlandi.

Ushbu vazn toifasida yurtimiz sharafini himoya qilgan sportchimiz Nigora Abdullaeva (2004 yilda tug'ilgan) dast ko'tarishda 67 kg, siltab ko'tarishda 81 kg. toshni o'ziga bo'ysundira oldi. Umumiy hisobda 148 kg. tosh ko'targan hamyurtimiz o'z vazn toifasida eng yaxshi natijani qayd etdi va mutloq chempionlikni qo'lga kiritdi. U ham dast ko'tarish, ham siltab ko'tarishda o'z tengdoshlari orasida tengsiz deb topilgani etiborga molik.

SHu tariqa Nigora terma jamoamiz hisobiga ushbu Osiyo chempionatidagi ilk oltin medalni qo'shib qo'ydi. Biz ushbu muvaffaqiyat bilan sportchimizni, uning murabbiyi Toir Parmonovni, shuningdek, O'zbekiston og'ir atletika federaciyasini tabriklab qolamiz.

Malumot uchun, Urganchdagi Osiyo chempionatida shu yil oktyabrda Argentinada bo'lib o'tadigan III o'smirlar Olimpiya o'yinlari licenziyalari ham o'ynaladi.