Og'ir atletika. O'smirlarimiz Jahon chempionatida qatnashish uchun AQSHga etib borishdi

8-15 mart kunlari AQSHning Las-Vegas shahrida og'ir atletika bo'yicha o'smirlar o'rtasida navbatdagi jahon chempionati bahslari bo'lib o'tadi. Etiborlisi, unda O'zbekiston o'smirlar terma jamoasi ham ishtirok etadi. Bu haqda Milliy Olimpiya qo'mitasi matbuot xizmati xabar qildi.

Xabarda qayd etilishicha, O'zbekiston og'ir atletika federaciyasi raisining birinchi o'rinbosari SHahrullo Mahmudov boshchiligidagi mamlakatimiz sport delegaciyasining bir qismi, aniqrog'i qizlar terma jamoasi kecha okean ortiga etib bordi hamda endi mashg'ulotlar AQSHda davom ettiriladi.

Jamoa tarkibidan o'tgan yili Argentinada bo'lib o'tgan III o'smirlar yozgi Olimpiadasi g'olibi, O'zbekiston sporti tarixida qizlar o'rtasidagi birinchi jahon chempioniga aylangan Kumushxon Fayzullaeva kabi istedodli sportchilar o'rin olgan.

Jamoamiz tarkibi:

-55 kg: Og'abek Nafasov;

-67 kg: Hojiakbar Olimov, Asadbek Narimonov;

-73 kg: Og'abek To'xtaev;

-96 kg: Mirhosil Mirzaboev;

-45 kg: Nigora Abdullaeva;

-59 kg: Nigora Suvonova;

-64 kg: Kumushxon Fayzullaeva;

-76 kg: Tursunoy Jabborova.

Jahon chempionatida sayyoramizning yuzga yaqin davlatidan yosh atletlar ishtirok etishi kutilmoqda. Qizlarimiz Las-Vegasda tayyorgarlikning so'nggi bosqichini olib borayotgan bo'lsa, o'smirlarimiz AQSHga 7 mart kuni etib boradi.

SHu o'rinda takidlash joiz, so'nggi yillarda og'ir atletikachilarimiz birorta nufuzli xalqaro musobaqadan medalsiz qaytishmayapti. Umid qilamizki, bu gal ham anana davom etadi. Terma jamoamiz azolarining dastlabki chiqishi 9 martga belgilangan. Jahon chempionati bahslari esa 15 martga qadar davom etadi.