Og'ir atletikachilarimiz Rossiya va Qozog'istonda o'quv-mashg'ulot yig'inlarini boshlashdi

Milliy olimpiya qo'mitasi tomonidan tashkillashtirilgan ushbu yig'inda terma jamoamizning 10 nafar azosi ishtirok etmoqda. Ular ichida 3 nafar atlet yoshlar terma jamoasi azosi ham hisoblanadi. Ushbu yig'in kattalar uchun Jakartada bo'lib o'tadigan Osiyo o'yinlariga tayyorgarlik vazifasini bajarsa, yoshlarimiz Toshkent shahri mezbonlik qiladigan jahon chempionatiga hozirlik ko'rishmoqda. Atletlarimiz Kislovodskka shifokor va 2 nafar murabbiy hamrohligida yo'l olganlar.

Qizlarimiz esa Toshkentda bo'lib o'tadigan yoshlar o'rtasidagi jahon chempionatiga tayyorgarlikni Qozog'istonning Tekeli shahrida olib bormoqdalar. Ushbu yig'in doirasida ular nafaqat Toshkentdagi jahon chempionati, balki, Buenos-Ayresda bo'lib o'tadigan o'smirlar Olimpiya o'yinlariga ham tayyorlanadilar. Yig'inda qizlar terma jamoasining 15 nafar azosi ishtirok etmoqda.

Eslatib o'tamiz, terma jamoamiz musobaqada quyidagi tarkibda qatnashadi:

Yigitlar:

-62 kg: Muhammadali Kahramonov
-69 kg: Adhamjon Ergashev
-69 kg: Hakimjon SHamsiddinov
-77 kg: Muhammadqodir Toshtemirov
-77 kg: G'ayrat Aytmuratov
-85 kg: Zaynobiddin Mahamadaminov
-94 kg: Azimjon Xojiev
-105 kg: Akbar Jo'raev,
-105 kg: Saidmuxtor Saidahrorov
+105 kg: SHaxmerdan Kemalov.

Qizlar:

-48 kg: Zuhra Otajonova
-58 kg: Sayyora Esbergenova
-63 kg: Kumushxon Fayzullaeva
-69 kg: Zarnigor Abduraxmonova
-69 kg: Layloxon Xursanova
-69 kg: Bazargul Rambergenova
-75 kg: Gulnoza Ahmadova
-75 kg: Tursunoy Jabborova
-90 kg: Dolera Davronova
-90 kg: SHodmonoy Ochilova