Og'ir vazn reytingi. Korme ikki pog'onaga pastladi, Ngannu birinchi!

Eng og'ir vazn toifasida reytingida bir nechta ahamiyatli o'zgarishlar bo'lib o'tdi. Bunga 16 avgust kuni tongda Las-Vegas shahrida o'tkazilgan UFC 252 turniri doirasidagi janglarda qayd etilgan natijalar sabab bo'ldi. 

Jumladan, markaziy jangda vazn chempioni Stipe Miochichga imkoniyatni boy berib qo'ygan Daniel Korme ikki pog'ona pastlab, hozirda 3-o'rinni egallab turibdi. Miochichning chempionlik kamariga rasmiy davogar Frensis Ngannu reyting peshqadami bo'lib oldi. 

Kyortis Bleyds ikkinchi o'ringa ko'tarildi. Yakshanba tongida sobiq jahon chempioni Junior dos Santosni nokautga uchratgan Jairzino Rozenstrayk ham ikki pog'onaga yuqorilab, 4-o'ringa joylashdi. Dos Santos aksinchi ikki o'ringa pastladi. 

Og'ir vazn reytingi. Top-10

1. Frensis Ngannu

2. Kyortis Bleyds

3. Daniel Korme 

4. Jairzino Rozenstrayk

5. Derrik Lyuis

6. Alistar Overim

7. Junior Dos Santos

8. Aleksandr Volkov

9. Avgusto Sakai

10. Uolt Xarris