Olamsport insaydi tasdiqlandi: rossiyalik istiqbolli tennischi endi O'zbekiston sharafini himoya qiladi, u birinchi raqamli tennischimizga aylandi

Kuni kecha WTA rossiyalik 21 yashar raketka ustasi Mariya Timofeeva endilikda O'zbekiston nomidan musobaqalarda ishtirok etishi haqida malum qildi.

Mariya hozirda jahon reytingida 146-o'rinni egallab turibdi. U 19 oktyabr kuni Portugaliyadagi ITF W75 turnirida g'alaba qozongan edi. Uning faoliyati davomidagi eng yuqori reytingi 93-o'rin bo'lgan.

Moskvada tug'ilgan Timofeeva Sloveniyaning Koper shahrida Anya Morel murabbiyligi ostida shug'ullanadi. 2023 yilda u Budapeshtdagi turnir finalida ukrainalik Katerina Beindlni mag'lub etib, o'zining birinchi WTA Tour chempionligini qo'lga kiritgandi. Keyin esa oyog'idan olgan jarohati tufayli uch oylik tanaffus olgandi.

2024 yilda Mariya Timofeeva Avstraliya Ochiq chempionatida debyut qildi (saralash bosqichidan o'tdi) va to'rtinchi bosqichga qadar etib bordi. Mariyaning faoliyati davomida ishlab topgan mukofot pullari 796 826 dollarni tashkil qiladi.

Sportchining ijtimoiy tarmoqlardagi sahifasiga nazar tashlaydigan bo'lsak, uning sentyabr oyi oxirida Toshkent shahrida bo'lganini ko'rish mumkin.