"Olamsport.com" Bangkokda, Osiyo chempionatidan jonli yoritamiz

Yaxshi bilasiz, 19 aprel kuni bu erda boks bo'yicha Osiyo chempionati start oladi. O'zbekiston terma jamoasi ilk marotaba qita birinchiligida katta delegaciya bilan ishtirok etmoqda. Erkaklar o'rtasidagi bahslarda 10, ayollar o'rtasidagi bellashuvlarda esa 9 nafar sportchi yurtimiz sharafini himoya qiladi. 

Terma jamoamiz sportchilari 13 aprel kuni musobaqa joyiga etib borishgan va u erda mashg'ulotlarni boshlab yuborishgandi. CHarm qo'lqop ustalarimiz Bangkokda O'zbekiston boks federaciyasi tomonidan ijaraga olingan, barcha sharoitlarga ega maxsus sport zalida musobaqaga tayyorgarlikning so'nggi bosqichini olib bormoqdalar. Mashg'ulotlardan suratlar va videoni avvalroq etiboringizga havola qilgandik. SHaharda havo harorati 30 darajani tashkil etmoqda. Namlik esa 80 foizdan ortiq. Bokschilarimiz uchun iqlimga moslashish jarayonini imkon qadar tezroq o'tkazib olishlari talab etiladi.

Bahslar Bangkokdagi "Huamark Indoor Stadium" arenasida tashkil etiladi. Tailanddagi mashhur "Rajamangala" stadioni oldida joylashgan. Biz istiqomat qilayotgan "Inter Place Hotel Bangkok" mehmonxonasidan piyoda yurib borilganda 10-15 daqiqalik yo'l. Hozircha ushbu musobaqani bevosita yoritish uchun tashrif buyurgan o'zbekistonlik OAV xodimlaridan faqatgina kamina Aziz To'xtamurodov bor. Imkon darajasida Osiyo chempionati, musobaqa atrofidagi voqeliklardan siz muxlislarni xabardor qilib borishga harakat qilaman. Bir necha kundan so'ng yana bir necha hamkasblarimiz Bangkokka etib kelishlari kutilmoqda. Hozircha musobaqa "Sport TV" orqali jonli efirda namoyish etilishi so'roq ostida. Jonli efir borasida ish olib borilmoqda. Tashkiliy masalalar hal etilsa, nasib qilsa o'zbekistonlik boks shinavandalari musobaqani oynai jahon orqali tomosha qilishlari mumkin bo'ladi. 

Ertadan rasmiy tadbirlar boshlanadi. 18 aprel kuni rasmiy qura tashlash marosimi bo'lib o'tadi. Asosiy bahslar esa takidlab o'tganimizdek, 19 aprel kuni start oladi. 

Fursatdan foydalanib, mazkur qita birinchiligini bevosita voqea joyidan yoritishni tashkil etishda tashabbus ko'rsatgan O'zbekiston boks federaciyasi rahbariyatiga minnatdorchilik bildiraman. 

Demak, yaqin 10 kun "qaynoq" bo'ladi. Osiyo chempionatini biz bilan birga kuzating!

Aziz To'xtamurodov, Bangkok shahridan

P.S. Hozircha surat olishning imkoniyati bo'lmadi. Nasib qilsa, kelgusi kundaliklarimizda albatta Tailand poytaxtidan eksklyuziv suratlarni taqdim etamiz.