Olimjon Nazarovning vaznidagi jahon chempionida doping aniqlandi

Meksikalik jahon chempionining qon tarkibida taqiqlangan modda aniqlangan. Martines Nevada shtati Atletik komissiyasi tomonidan chetlatilgan. U aynan Nevada shtati hududida so'nggi jangini o'tkazgan edi. Bu Sezar uchun birinchi holat emas. U 2019 yilda ham doping mojarosiga aralashib qolandi. O'shanda uning organizmida klenbuterol moddasi borligi aniqlangandi.

Malumot uchun, 29 yoshli Xulio Sezar Martines professional boksda 2013 yilda debyut qilgan. 2019 yilda britaniyalik CHarli Edvardsga qarshi chempionlik kamari uchun o'tkazgan jangi inobatga olinmagandi. O'sha jangdan to'rt oy o'tib, u vakant bo'lib turgan WBC chempionlik kamarini qo'lga kiritgandi. Hozirgacha Martines o'z kamarini olti marotaba muvaffaqiyatli himoya qildi. 

Darvoqe, ushbu vazn toifasida hamyurtimiz Olimjon Nazarov o'z janglarini o'tkazib keladi. CHarm qo'lqop ustamiz may oyi reytingida 32-pog'onadan joy olgan. Nazarov WBO reytingida 4-o'rinni band etgan.