Olimlarimiz sportchilarimiz ustida tadqiqot olib borishmoqda

Aynan shu maqsadda MOQ qoshida kompleks-ilmiy guruh tashkil etilgan bo'lib, ushbu guruh azolari Rustam Xolmuhamedov, Soyibjon Tajibaev va Rashid Matkarimov boks hamda taekvondo WT bo'yicha O'zbekiston milliy terma jamoa azolari bilan test kuzatuvlarini o'tkazishdi. Mazkur kuzatuvlar bir vaqtning o'zida 10 nafar sportchining funkcional holati hamda berilgan yuklama hajmini aniqlash imkonini berdi. 

Bundan tashqari kompleks-ilmiy guruhda faoliyat olib borayotgan olimlar F.Kerimov, S.Eshtaev A.Achilov va J.Akramov tomonidan  gimnastika bo'yicha mamlakat terma jamoasi azolari bilan ilmiy kuzatuvlar olib borildi. Rossiyalik mutaxassislar bilan hamkorlikda o'tkazilgan mazkur ilmiy kuzatuvlar jarayonida mobil laboratoriyadan foydalanib sportchilar hamda ularning murabbiylariga tegishli tavsiyalar berildi.