Olimpiada chempionlarimiz ikki nafarga etdi, terma jamoamiz 25-o'rinda!

Rioda Olimpiada chempionlarimiz soni ikki nafarga etdi. -49 kg vazn toifasidagi bokschimiz Hasanboy Do'smatovdan so'ng og'ir atletikachimiz Ruslan Nuriddinov ham Rio Olimpiadasi chempioniga aylandi. Ruslan siltab ko'tarishda 2008 yilgi Olimpiada rekordini ham yangilashga muvaffaq bo'ldi.

Terma jamoamiz hisobida 2ta oltindan tashqari yana 4ta bronza medali ham bor. Dzyudochilarimiz Diyorbek O'rozboev, Rishod Sobirov, bokschimiz Rustam To'laganov, yunon-rum kurashchimiz Elmurot Tasmurodov bizga ana shu bronza medallarni taqdim etishgan.

O'zbekiston sport delegaciyasi 2ta oltin, 4ta bronza medali bilan umumjamoa hisobida 207 ishtirokchi davlat orasida 25-o'ringa ko'tarilib oldi. Kecha shu paytda terma jamoamiz 39-o'rinni egallab turgandi.

Olimpiadaning o'ninchi kungi bahslaridan so'ng AQSH terma jamoasining umumiy medallari soni 72taga etdi. SHulardan 26tasi oltin, 22tasi kumush, 24tasi bronza medallaridir. Ikkinchi o'rinni Buyuk Britaniya terma jamoasi band etgan. Ularning oltin medallari soni 16taga etdi. Yana 17ta kumush va 8ta bronza medali ham bor. Xitoy terma jamoasi uchinchi o'rindan joy olgan. CHin yurti jamoasi 15ta oltin, 14ta kumush, 17ta bronza medalini qo'lga kiritgan.

SHu kungacha 48ta davlat terma jamoalari kamida bir nafar Olimpiada chempioniga ega bo'lib ulgurgan. Oltmish bitta terma jamoa hisobida esa kamida bittadan kumush medal bor. Roppa-rosa 70ta mamlakat terma jamoasi esa kamida bittadan bronza medaliga ega bo'lib turibdi.

MEDALLAR JAMG'ARISH. TOP-10

1. AQSH – 72 (26-22-24)

2. Buyuk Britaniya – 41 (16-17-8)

3. Xitoy – 46 (15-14-17)

4. Rossiya – 35 (11-12-12)

5. Italiya – 23 (8-9-6)

6. Germaniya – 20 (8-6-6)

7. Franciya – 22 (7-8-7)

8. Yaponiya – 27 (7-4-16)

9. Avstraliya – 22 (6-7-9)

10. Janubiy Koreya – 14 (6-3-5)...

... 25. O'ZBEKISTON – 6 (2-0-4)