Olimpiya zaxiralari kollejlarida 2020/2021 o'quv yili uchun qabul imtihonlari shaffof o'tkazilmoqda

Jumladan, bugun poytaxtimizdagi Respublika Olimpiya zaxiralari kollejida ham 2020/2021 o'quv yili uchun kasbiy (ijodiy) imtihonlar boshlandi. Takidlash kerak, ushbu sport talim muassasasida imtihonlar adolatli, xolis va shaffof o'tishni taminlashga jiddiy etibor qaratilmoqda.

Imtihon jarayonlari bo'lib o'tayotgan har bir sport inshooti dizenfikciya qilingan. SHuningdek, kollejga kirish oldidan barcha o'quvchilar dizenfekcion yo'lakchadan o'tib, shifokor va hamshiralar tomonidan harorati o'lchanmoqda. So'ngra sog'ligi joyida bo'lgan o'quvchi yoshlarga imtihonlarda qatnashishga ruxsat beriladi.

Takidlash kerak, joriy yil Respublika Olimpiya zaxiralari kollejiga 296 nafar o'quvchi hujjat topshirgan bo'lib, ulardan 145 nafari kollejga o'qishga qabul qilinadi.

Ikki yillik tanaffusdan so'ng Olimpiya zaxiralari kollejlarida yana millionlar o'yini futbol yo'nalishiga qabul elon qilindi. 2020/2021 o'quv yili uchun Respublika Olimpiya zaxiralari kollejining futbol yo'nalishiga 2007 yilda tug'ilgan 66 nafar o'quvchi hujjat topshirgan bo'lib, ulardan 24 nafari ushbu ilm dargohiga o'qishga qabul qilinadi. Futbol yo'nalishida qabul imtihonlari 26-27 avgust kunlari o'tkazilishi belgilangan.

Darvoqe, Jismoniy tarbiya va sport vazirligi tomonidan qabul imtihonlarining adolatli va shaffof o'tishini nazorat qilish uchun masullar belgilangan bo'lib, Respublika Olimpiya zaxiralari kollejida o'tkazilayotgan qabul imtihonlarini ham masullar nazorat qilib borishmoqda.