18 okt 08:35
Yangiliklar

Tennis

"Olti qirol "Toji". Alkaraz afsonaviy Rafael Nadalni mag'lub etdi

Saudiya Arabistoni poytaxti Ar-Riyod shahrida tennis bo'yicha yulduzli tarkibga ega ko'rgazmali turnir bo'lib o'tmoqda.

"Olti qirol "Toji" nomini olgan turnirning 1/2 finalida dunyoning ikkinchi raketkasi bo'lib turgan ispaniyalik Karlos Alkaraz vatandoshi, ATP reytingida 153-pog'onadan joy olgan Rafael Nadalni ortiqcha qiyinchiliksiz mag'lub etdi - 6/3, 6/3.

Etmish sakkiz daqiqa davom etgan bahsda Alkaraz 3, Nadal 1 ta eys zarbani amalga oshirgan. Breyklar bo'yicha ustunlik Karlos tomonida bo'ldi - 3 ga 0. Endi Alkaraz bosh sovrin uchun dunyoning birinchi raketkasi Yannik Sinnerga qarshi kortga chiqadi. Nadal esa yana bir afsona Novak Jokovich bilan o'yinda uchinchi o'rin sohibini aniqlab beradi.