30 sen 11:51
Yangiliklar

Tennis

Osaka Floyd Meyvezerning jangida Menni Pakyao bilan uchrashdi + FOTO

Sayyoramizning sobiq birinchi raqamli tennis malikasi Naomi Osaka ijtimoiy tarmoqdagi sahifasiga yangi surat joyladi.

Qizig'i, yaponiyalik tennischi Tokio shahrida o'tkazilgan Floyd Meyvezer ishtirokidagi jangni bevosita arenada tomosha qilgan. Osaka faxriy va martabali mehmonlar uchun ajratilgan maxsus sektorda sakkiz vazn toifasida jahon chempionligi kamarini qo'lga kiritgan filippinlik boks afsonasi Menni Pakyao bilan ham uchrashgan.

"Ey Xudoyim", - deya surat ostida izoh qoldirgan Naomi.

Eslatib o'tamiz, 25 sentyabr kuni amerikalik afsona Floyd Meyvezer Tokio shahrida yaponiyalik Mikuru Asakuraga qarshi ko'rgazmali jang o'tkazib, raqibini nokautga uchratgan edi.