Osiyo chempionati. Bokschilarimizning ovqatlanish joyi, vazn nazorati va Lebzyak

Etib borganimizda bokschilarimiz bir necha daqiqa avval mashg'ulotlarni yakunlagan, terma jamoa bosh murabbiyi Marat Qurbonov sportchilarimiz vaznlarini nazoratdan o'tkazayotgan ekan. Musobaqa boshlangunga qadar barcha vazn meyorini bajarishi lozim-da. Buning to'g'ri amalga oshirilishi terma jamoamiz ustozining doimiy nazoratida.

Bundan tashqari kecha bokschilar uchun mandat o'tkazildi. Unda sportchilarning hujjatlari, davomati tekshirildi. Ushbu tekshiruv ham terma jamoamiz vakillari uchun ko'ngildagidek kechdi. Barcha hujjatlar joy-joyida, tashkiliy tomondan muammolar yo'q. 

Tashrif davomida bir necha sportchilarimiz bilan suhbatlashib, qisqa intervyular olishga muvaffaq bo'ldim. Ko'rinib turibdi, bokschilarimiz musobaqaga tayyorgarlikni juda yaxshi olib bormoqdalar. Barchaning kayfiyati yaxshi.

Videoni tomosha qiling:

SHundan so'ng sportchilarning ovqatlanish joyini ko'rdik. Osiyo chempionatida ishtirok etuvchi delegaciya vakillari aynan shu erda uch mahal ovqatlanadilar.

U erda rossiyalik mashhur murabbiy Aleksandr Lebzyakka ko'zim tushdi. Tanib qolib darhol suratga ola boshladim. SHunda u buni sezib qoldi va "oo, papparaci" deganicha o'zbekistonlik mutaxassislar bilan biroz suhbatlashdi, yakunda esdalik uchun suratga ham tushdi. Hozirda taniqli mutaxassis Xitoy terma jamoasi ustozi sifatida faoliyat olib bormoqda.

Ayni shu mehmonxonaning o'zida ro'yxatdan o'tib, musobaqa davomida ishlash huquqini beruvchi akkreditaciyalarni ham oldik. Bugun nasib qilsa, mahalliy vaqt bilan soat 11:00 da (Toshkentda 09:00) terma jamoa mashg'ulotiga boramiz. Va albatta eksklyuziv suratlar ham bo'ladi :) Soat 16:30 da esa qura tashlash marosimi bo'ladi.

Olimpiya o'yinlari sovrindori, terma jamoamiz murabbiyi Rustam Saidov va uning tojikistonlik muxlisi

Murabbiy Rahmatjon Ro'zioxunov bosh kotib Murodjon Mamadalievga tashkiliy masalalar haqida so'zlab bermoqda

Terma jamoamiz bosh murabbiyi Marat Qurbonov

Bangkok ko'chalarda ana shunday avtomobillardan taksi sifatida foydalanish mumkin.

Aziz To'xtamurodov, Bangkok.