Osiyo chempionatining finaliga 9 nafar bokschimiz chiqdi!

19:58. SHu tariqa Osiyo chempionatining yarim final janglari o'z nihoyasiga etdi.

19:55. Bahodirga finalda qozog'istonlik Qamishbek Konkabaev raqiblik qiladi. Ashaddiy raqiblar to'qnashuvi!  

19:42. Ikki sportchi o'rtasidagi farq faqatgina bo'yda emas, balki mahorat bobida ham sezilib qoldi. 1-ranuddayoq texnik nokaut va Jalolov finalda. 

19:41. Hakam hisobni ochdi...

19:39. Bokschilar rineg markaziga taklif qilindi va jang boshlandi. 

19:36. Bahodir Jalolov o'ziga ishonch, ulkan xotirjamlik bilan ringga ko'tarildi. 

19:35. Hamyurtimiz qizil burchakdan joy oladi. 

19:25. Yana birozdan so'ng so'nggi vakilimiz Bahodir Jalolov suriyalik Muhammad Mulaesga qarshi ringga ko'tariladi.

19:18. Yana bir g'alaba azizlar! G'iyosovni ham finalda ko'radigan bo'ldik. 

19:14. SHaxram G'iyosov odatdagidek juda faol.

19:06. Ringga SHaxram G'iyosov chiqib keldi, unga eronlik sportchi qarshilik ko'rsatadi!

19:03. Jang yakunlandi. G'alabaaaaa!!! Iqboljon ham final yo'llanmasini qo'zlga kiritdi.

18:57. Muxlislarga yoqadigan jang bo'layotganini takidlash lozim. Har ikki sportchi ham faol jang olib bormoqda.

18:51. Jang boshlandi!

18:50. Ringga hamyurtimiz Iqboljon Xoldorov chiqib kelmoqda

18:48. -64 kg vazn toifasidagi ilk finalchi mog'ulistonlik CHinzong Batarshux bo'ldi. Agar Xoldorov g'alaba qozona olsa finalda aynan unga qarshi ringga ko'tariladi.

18:35. Birozdan so'ng Iqboljon Xoldorov qozog'istonlik Bekdaulat Ibragimov bilan jang qiladi. 

18:31. Hasanboy Do'smatov ketma-ket ikkinchi marotaba Osiyo chempioni bo'lish uchun mog'ulistonlik Gan Erdene Ganxuyangga qarshi jang qiladi.

18:16. Referi Hasanboy g'alaba qozonganini elon qildi. Yana bir final yo'llanmasini ko'lga kiritdik. 

18:15. Jang yakunlandi va Amit negadir qo'llarini baland ko'targancha xursandchiligini namoyish etdi. Kim biladi deysiz, balki u nokaut bo'lmaganidan shunchalik shoddir. 

18:13. Hasanboydan ajoyib zarba va raqib sal qolsa, muvozanatni yo'qotay dedi.

18:10. Ikkinchi raundda mehmon sportchi ham o'ziga kelgandek, lekin vaqti-vaqti bilan Hasanboy kuchli zarbalar berishni to'xtatmayapti. 

Birinchi raund yakunlandi va unda o'zbekistonlik sportchi faolroq harakat qildi.

18:05. Ring markazi, umuman ustunlik to'lig'icha vakilimiz tomonida.

18:04. Hasanboy boshladi! Muxlislar O'zbekiston deb baqirayotganda Do'smatov bir urib raqibini yiqitdi qo'ydi.

18:02. Xindistonlik Amitni muxlislar juda "chiroyli" kutib olishdi. Xind sportchisi kim mezbonligini bahs boshlanmasdan bilib oldi.   

18:00. Ringga vakilimiz Hasanboy Do'smatov chiqdi! Arena larzaga keldi! 

17:58. Muxlislar O'zbekiston, O'zbekiston deya xayqirishmoqda! Atrofga nazar tashlar ekansiz, birorta bo'sh o'rindiqni topishingiz mushkul vazifa. Ajoyib atmosfera! Yana bir necha daqiqadan so'ng ringga Hasanboy Do'smatov ko'tariladi!  

17:40. Hasanboy Do'smatovning jangi boshlanishiga 20 daqiqa vaqt qoldi. "O'zbekiston" sport majmuasi esa muxlislar bilan to'lib bo'ldi!

17:20. Boks bo'yicha Osiyo chempionati haqidagi xabarlardan shuningdek Telegramdagi kanalimizda ham kuzatib borishingiz mumkin bo'ladi > > > https://t.me/olamsport

17:00. Aytgancha, bugun sportchilarimiz o'tkazgan barcha janglar videolari saytimizga joylandi. Ko'rmaganlar tomosha qilib olishlari mumkin :)

16:24. Hozircha finallarga 5 ta yo'llanmamiz bor. Nima deb o'ylaysiz, kun yakunlariga ko'ra ushbu ko'rsatkich nechani tashkil qilar ekan?

16:20. Endi kechki dasturda yana 4 nafar bokschimiz ringga chiqishi rejalashtirilgan. Ular:

Hasanboy Do'smatov

Iqboljon Xoldorov

SHahram G'iyosov

Bahodir Jalolov

16:09. Sanjar Tursunovni mag'lub etgan Vasiliy Levit esingizdami? U suriyalik raqibini mag'lubiyatga uchratib final yo'llanmasini qo'lga kiritdi.

16:00. Bektemir Meliqo'ziev finalda Qozog'iston vakili Erik Aljanovga qarshi jang qiladi.

15:52. Rio Olimpiadasi kumush medali sohibi Bektemir Meliqo'ziev xitoylik raqibini nokautga uchratdi! YANA BITTA FINAL! BUGUNGI KUN HISOBIDAN IKKINCHI NOKAUT!

15:47. Bektemir Meliqo'ziev ringga chiqdi.

15:43. Isroil Madrimov qozog'istonlik Abilxon Amankulni mag'lubiyatga uchratdi va finalga yo'l oldi. Ajoyib!

15:28. Yaxshiii! Elnur Abduraimov ham xitoylik raqibini mag'lub etdi va final yo'llanmasini qo'lga kiritdi. U finalda Hindiston vakiliga qarshi jang qiladi.

15:24. Vakilimiz jangni yaxshi  o'tkazmoqda.

15:18. Elnur Abduraimovning jangi boshlandi.

15:15. Olimpiada sovrindori yutqazib qo'ydi. Finalga hindistonlik bokschi yo'l oldi.

15:02. Ringga Olimpiada sovrindori, Mog'uliston vakili Otgondalai Dorjinabmu chiqib keldi. U hindistonlik SHiva Tapaga qarshi jang qiladi.

15:00. Qozog'iston terma jamoasida ikkinchi mag'lubiyat. Qairat Eraliev xitoylik Jiavei Jangga yutqazib qo'ydi. Aynan Xitoy vakili finalda Murodjon Ahmadalievga qarshi ringga chiqadigan bo'ldi.

14:54. O'zbekistonlik bokschi ishtirokidagi navbatdagi jang taxminan 20 daqiqalardan so'ng Elnur Abduraimov ishtirokida bo'ladi. U final yo'llanmasi uchun xitoylik Jun SHanga qarshi ringga chiqadi.

14:50. "Kaka"ning finaldagi raqibi Xitoy yoki Qozog'iston vakili bo'ladi.

14:43. Kutilganidek Ahmadaliev raqibini ikkinchi raundda nokautga uchratdi! Qoyil! Yana bitta final!

14:40. Ahmadaliev koreyalik raqib bilan jangda yaqqol ustunlik qilmoqda. Nokaut ko'ramiz shekilli!

14:34. Ana endi ringga Murodjon Ahmadaliev chiqib kelmoqda.

14:33. Latipov finalda janubiy koreyalik raqibga qarshi jang qiladigan bo'ldi.

14:23. Ayni paytda ringda Filippin va Janubiy Koreya bokschilari o'zaro hisob-kitobni amalga oshirmoqdalar. Ushbu jang g'olibi finalda Jasurbek Latipovga qarshi jang qiladi.

14:17. G'ALABAAA! Latipov 3:2 hisobida raqibini mag'lubiyatga uchratdi! Ilk final! G'alaba muborak!

14:09. Vakilimiz jangni ajoyib o'tkazmoqda.

14:03. Kunning dastlabki jangi: Ringga Jasurbek Latipov chiqib kelmoqda.

13:55. Bugun bo'lib o'tadigan janglarda quyidagi sportchilarimiz ishtirokidagi janglarni ko'rishimiz mumkin bo'ladi:

Jasurbek Latipov (O'zbekiston) – Azamat Isakulov (Qozog'iston)

Murodjon Ahmadaliev (O'zbekiston) – Yonxun Xan (Janubiy Koreya)

Elnur Abduraimov (O'zbekiston) – Jun SHan (Xitoy)

Isroil Madrimov (O'zbekiston) – Abilxan Amankul (Qozog'iston)

Bektemir Meliqo'ziev (O'zbekiston) – Jyabin Xuan (Xitoy)

Hasanboy Do'smatov (O'zbekiston) – Amit (Hindiston)

Iqboljon Xoldorov (O'zbekiston) – Bekdaulet Ibragimov (Qozog'iston)

SHaxram G'iyosov (O'zbekiston) – Sajjad Kozimzodaposhtiri (Eron)

Bahodir Jalolov (O'zbekiston) – Muhammad Mulaes (Suriya)

13:50. Assalomu alaykum qadrli boks ishqibozlari. "O'zbekiston" sport majmuasidan matnli-onlayn translyaciyani boshlaymiz. Bugun sizlar uchun Aziz To'xtamurodov jang saroyidan sportchilarimiz ishtirokidagi janglarni matnli-onlayn translyaciya qilib boradi.