Osiyo Kubogi. O'zbekiston – Tailand uchrashuvini malayziyalik hakamlar boshqarib borishadi

Qatar yashil maydonlarida davom etayotgan Osiyo Kubogining 1/8 finalidan o'rin olgan O'zbekiston – Tailand o'yinini malayziyalik Muhammad Nazmi bin Nasaruddin bosh hakam sifatida boshqaradi. Unga hamyurtlari Muhammad Zairul hamda Arif SHamil yordam berishsa, zaxira hakami sifatida Ahmad Abu Bakar Said al-Kaf ishlaydi. SHuningdek, uchrashuv VAR hakami vazifasini Omar Muhammad Ahmad (BAA) bajarsa, AVAR sifatida saudiyalik Xolid Solih Alturais ishlashi ko'zda tutilgan.

Malumot uchun, Nazmi Nasaruddin joriy mavsum jami 8 ta uchrashuvda ishlagan. Ushbu uchrashuvlarning barchasi klublar va terma jamoalar ishtirokidagi xalqaro musobaqalarga to'g'ri keladi. Etiborli tomoni, ushbu hakam OCHL guruh bosqichining 3 ta turida o'zbek klublari ishtirokidagi bahslarda hakamlik qilgan. U turnirning 2-turida “Navbahor” – “Mumbai Siti” (Hindiston), 4-turida “Ahal” (Turkmaniston) – “Paxtakor” hamda 6-tur doirasidagi “Mumbai Siti” (Hindiston) – “Navbahor” uchrashuvlarini boshqargan. Ushbu bahslar davomida u cho'ntagidan jami 32 marta sariq kartochka, 4 bor qizil kartochka chiqargan va 3 marta 11 metrlik jarima zarbasi belgilagan.

Osiyo Kubogi-2023 1/8 final
30.01.2024 | 16:30 (O'zbekiston vaqti)
O'ZBEKISTON – TAILAND
“Al-Janub” stadioni, Al-Vukair shahri
Bosh hakam: Nazmi Nasaruddin (Malayziya)
Qanot hakamlari: Muhammad Zairul, Arif SHamil (ikkalasi Malayziya)
Zaxira hakami: Ahmad Abu Bakar Said al-Kaf (Ummon)
VAR: Omar Muhammad Ahmad (BAA)
AVAR: Xolid Solih Alturais (Saudiya Arabistoni)