09 noy 10:35
Yangiliklar

Boks/MMA, Dzyudo, Boshqalar, Kikboksing, Muaytay

Osiyo Ochiq chempionatida bugun hakamlar uchun seminar o'tkaziladi

10-12 noyabr kunlari poytaxtimizdagi muhtasham “O'zbekiston” sport majmuasida qo'l jangi bo'yicha Osiyo Ochiq chempionati bo'lib o'tadi.

Ushbu musobaqada 20 dan ortiq davlatdan sara qo'l jangi ustalarining ishtirok etishi kutilyapti. Osiyo Ochiq chempionati mezboni sifatida qo'l jangi bo'yicha O'zbekiston terma jamoasi ikki tarkib bilan qatnashadi.

Har bir davlatdan bir nafardan xalqaro toifadagi hakamlar bahslarni boshqarab borishadi. Bugun aynan Osiyo Ochiq chempionati referilari uchun seminar tashkil etiladi.

Ertaga esa “O'zbekiston” mehmonxonasida Osiyo Ochiq chempionatiga bag'ishlangan matbuot anjumani o'tkaziladi. Musobaqa doirasida qo'l jangi bo'yicha professional janglar ham tashkil etiladi.