Osiyo Olimpiya kengashi bilan hamkorlik yangi bosqichga ko'tarilmoqda

Safar davomida martabali mehmon ishtirokida OOK bilan hamkorlikning yangi bosqichlari muhokama qilindi. Mehmonni O'zbekiston Milliy Olimpiya qo'mitasi Bosh kotibi Oybek Kasimov hamda Qo'mita raisi o'rinbosari Azizjon Kamilov qarshi olishdi.

Uchrashuvda O.Kasimov yurtimizda Olimpiya harakati va sog'lom turmush tarzi targ'ibotiga qaratilayotgan etibor, bu borada olib borilayotgan islohotlar, amaliy ishlar xususida to'xtalib o'tdi. A.Kamilov mamlakatimizda Xanchjou-2022 Osiyo o'yinlari va “Toshkent-2025” yoshlar Osiyo o'yinlariga olib borayotgan tayyorgarlik xususida malumot berdi.

O'z o'rnida, martabali mehmon O'zbekiston OOKning eng faol azolaridan biri ekanini alohida takidlab, yurtimiz sportining potencialiga yuqori baho berdi. Qayd etish joiz, Talal Al Sabah 8 iyul kuni o'tadigan OOK Prezidentligiga saylovda nomzodlardan biri hisoblanadi. 

Uchrashuv davomida u o'zining amalga oshirishi kutilayotgan rejalari, OOK va qitamiz sportining rivojlantirish bo'yicha loyihalari haqida batafsil malumot berdi. Samimiy ruhda o'tgan suhbat davomida nafaqat OOK, balki Quvayt va O'zbekiston sportidagi hamkorlikning yangi qirralari xususida ham so'z bordi.