26 avg 15:56
Yangiliklar

Og'ir atletika, Osiyo o'yinlari

Osiyo o'yinlari-2018. Nuriddinov dast ko'tarishda 7 kilogrammlik ustunlikka erishdi, u oltinga yaqin! FOTO

Indoneziyaning Jakarta shahrida Osiyo o'yinlari dasturidan o'rin olgan og'ir atletika musobaqasi davom etmoqda.

Asosiy umidimiz hisoblangan Ruslan Nuriddinov Osiyo o'yinlari chempioni bo'lishga yaqin turibdi. Unda aynan Osiyo o'yinlarining medali yo'q, qolgan barcha qo'lga kiritilishi mumkin bo'lgan medallarga ega chiqqan.

Hozirgina -105 kg vazn toifasidagi dast ko'tarish bahslari yakuniga etdi. Unda Ruslan uchchala imkoniyatdan ham unumli foydalandi. Nuriddinov 183, 187 hamda 191 kg og'irlikdagi toshni o'ziga bo'ysundira oldi.

Bu bilan u eng yaqin taqibchisi eronlik sportchini 7 kilogrammga ortda qoldirdi. Birozdan so'ng siltab ko'tarish bahslari boshlanadi va ikkikurash natijasiga ko'ra g'olib hamda sovrindorlar nomi malum bo'ladi.