Osiyo qilichbozlik konfederaciyasining Bosh Assambleyasi oldidan matbuot anjumani o'tkazildi + FOTO

Bugun ushbu tadbirga bag'ishlangan matbuot anjumani tashkil etildi.

Unda O'zbekiston qilichbozlik federaciyasi bosh kotibi Gulnora Saidova, Osiyo qilichbozlik konfederaciyasining ayni paytdagi rahbari Rusni Al Hassan, tadbirni kuzatish uchun tashrif buyurgan Xalqaro qilichbozlik federaciyasi vakili Velichka Xristeva hamda OAV vakillari ishtirok etishdi.

“Juda muhim tadbir oldida turibmiz. O'zbekiston hukumatidan murakkab davrda bizni qo'llab-quvvatlab kelayotgani uchun minnatdormiz. Ertaga tashkilotimizning navbatdagi Bosh Assambleyasi bo'lib o'tadi. Unda Konfederaciyaning 2024 yilgacha bo'lgan davri uchun yangi rahbariyati aniqlab olinadi”, – dedi Rusni Al Hassan.

O'z navbatida, Velichka Xristeva ham fikrlari bilan quyidagicha o'rtoqlashdi:

“O'zbekistonga beshinchi bor kelishim. Mamlakatingizga har kelganimda uning rivojlanib borayotganini ko'rib turibman. Xalqaro qilichbozlik federaciyasi prezidenti Alisher Usmonov ushbu saylov shaffof bo'lishi lozimligini takidladi va hamkasblarimiz kuzatuvchilik uchun meni tanlashdi. O'zbekiston mezbon sifatida barchasini alo darajada yo'lga qo'yganini ko'rib turibman”.

Mutasaddilarning malum qilishicha, tashkilotning yangi Olimpiada cikli uchun rahbarligiga BAA va Singapur vakillari nomzodlik qilmoqda. Bosh Assambleya davomida tashkilot rahbarligidan tashqari vice-prezidentlar va Ijroiya qo'mitasiga ham nomzodlar saylab olinadi.