Osiyo regbi ittifoqi Prezidenti Aga Husayn Milliy olimpiya qo'mitasida mehmon bo'ldi

Mehmonni Qo'mita Bosh kotibi Jasur Matchanov kutib oldi. Uchrashuvda regbi sport turining O'zbekistondagi taraqqiyoti, hamkorlikni yanada mustahkamlash, federaciya uchun baza, tashkiliy va boshqa masalalar hususida so'z bordi.

"Qabul uchun minnatdorchilik bildiraman. O'zbekiston regbi rivojlanayotgan mamlakatlar qatoriga kiradi. Ishonamanki, yaqin yillar ichida yurtingizda regbi sport turi yanada ommaviylashadi", - dedi Aga Husayn.

Bosh kotib Jasur Matchanov esa boshqa jamoaviy sport turlari qatorida regbini ham rivojlantirish uchun alohida dastur ishlab chiqilayotgani haqida malum qildi.

"O'zbekistonda regbi turli mintaqalarda rivojlanmoqda. Tan olamiz, bizda baza bilan bog'liq muammo bor. Ammo, yangi cikldan boshlab bu boradagi muammolar bartaraf etiladi. Mamlakatimizda jamoaviy sport turlarini rivojlantirish uchun alohida dasturlar ishlab chiqilmoqda, shu jumladan regbi uchun ham. Bu borada rejalarimiz katta. Biz O'zbekiston regbi federaciyasi bilan birgalikda sportning ushbu turini ommaviylashtiramiz. Regbi uchun futbol stadionlarini ajratishni rejalashtirib qo'yganmiz", - dedi Jasur Matchanov.

Undan tashqari Toshkentda Markaziy Osiyo regbi markazi ochilishi va bu g'oya Osiyo regbi ittifoqi tomonidan qo'llab-quvvatlanishi malum qilindi. Uchrashuv yakunida Jasur Matchanov ananaga ko'ra martabali mehmonga Milliy olimpiya qo'mitasi nomidan esdalik sovg'alarini taqdim etdi.